„Преодни влади или хибридни режими“ и понатаму е групата во која останува Македонија во последниот извештај на „Фридом хаус“, со наслов „Држави во транзиција“.
Македонија беше деградирана на ова ниво во минатиот извештај на „Фридом хаус“. Во најновиот се наведува дека Македонија продолжува да забележува пад, особено во категориите: изборен процес и граѓанско општество. Од седум земји на Балканот, четири забележаа пад, главно поради ситуацијата во медиумите и во судството. Освен Македонија, меѓу нив се Босна и Херцеговина, Србија и Црна Гора. Владините реформи и чекорите за борба против корупцијата ѝ донесоа напредок на Албанија.