Францускиот премиер Маниел Валс денеска соопшти дека Франција не сака иселување на француските Евреи и изрази жалење поради изјавата на израелскиот премиер, Бенјамин Нетанјаху, кој ги повика европските Евреи да се доселат во Израел.
– Мојата порака до француските Евреи е следна: „Франција е ранета исто како и вие, Франција не сака да си заминете. Таа уште еднаш ви ја испраќа својата љубов, потпора и солидарност“ – рече Валс еден ден по осквернувањето на повеќе од стотина еврејски гробови на истокот на земјата.
Валс ги повика и претставниците на исламот во Франција да преземат одговорност за да се победи „исламскиот фашизам“.
– За да го победиме исламскиот фашизам, затоа што токму така треба да се нарече, единството треба да биде наша сила. Не треба да се препуштиме на страв и да се поделиме – рече Валс.