Согласно податоците од Институтот за јавно здравје, Министерството за здравство информира дека во последните 24 часа направени се 704 тестови, а регистрирани се 57 нови случаи на ковид-19. Од вкупниот број позитивни, регистрирани се 12 реинфекции. Регистрирани сe и 90 оздравени пациенти.
Во текот на изминатите 24 часа, не се регистрирани починати лица. Согласно, Регистарот на умрени лица со дијагноза ковид-19 од „Мој Термин“, се регистрирани две починати лица од Скопје (85г) и Битола (60г), лицата се починати во домашни услови.
Досега во земјата се направени вкупно 2.165.180 тестирања на ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 342.469, бројот на оздравени пациенти е 332.319, на починати е 9.526 а бројот на активни случаи изнесува 624.