Советот на министри за надворешни работи на ЕУ усвои заклучоци во кои се изразува длабока загриженост за влошената состојба во Македонија, особено во областа на владеењето на правото, фундаменталните права и слободата на медиумите, кои се суштински вредности во срцето на ЕУ и на нејзината политика на проширување.
Во интерес на граѓаните, на демократијата, на владеењето на правото и на политичката стабилност, Советот итно ги повикува политичките лидери брзо да одговорат на овие проблеми.
Министрите денеска посочија дека сите страни треба да ја преземат својата одговорност и да преземат мерки кон одржливо решение, конструктивно да се ангажирааат во политички дијалог и да ја вратат доверба во институциите преку соодветни политички мерки.
Европската унија бара сите наводи да бидат предмет на истрага.
Таа истрага, велат министрите, треба да се случи со целосна почит и низ праведен процес, според принципот на независност и на презумцијата не невиност.
Министрите ги поздраивја и напорите на Европскиот парламент за посредништво во дијалогот помеѓу власта и опозицијата и бараат од двете страни да покажат воздржаност и да се фокусираат на наоѓање решение за излез од кризата.
Македонија останува на агендата на Европската унија додека не се најде решение за тешката политичка состојба во која е западната државата и министрите повторно ќе се навратат на оваа тема во наредните месеци.