Пред дечињата згрижени во Детската клиника во Скопје, денеска ќе настапи македонскиот композитор, продуцент и пијанист, Дуке Бојаџиев.
Концертот се одржува со поддршка на сопругата на претседателот на Република Македонија Маја Иванова, а идејата за овој негов ангажман, како што вели, се родила при средбата со претседателското семејство летово во Охрид, по што е стапено во контакт со директорката на Клиниката и со помош на Кабинетот на претседателот се договорени деталите.
Пред дечињата згрижени во Детската клиника во Скопје, Дуке Бојаџиев ќе настапи заедно со Тања Царовска – вокал и Владимир Крстев – виолина, состав со кој настапуваше годинава во Рим, во рамки на одбележувањето на Свети Кирил, а кои беа дел од неговиот тим на концертите одржани летово.