Лилјана Поповска, претседателка на ДОМ, соопшти дека ја напушта владината коалиција.
„На вчерашната седница на Извршниот одбор на ДОМ, беше разгледувана политичката ситуација во земјата и беше донесена одлука за излегување од владината коалиција. Беше заклучено дека со овој чекор ДОМ ќе помогне во решавањето на длабоката политичка криза која е закана за стабилноста на Република Македонија. Оваа одлука ќе биде предложена на Централниот одбор, што ќе се одржи деновиве“, соопшти Поповска на својот фејсбук-профил.