Осуммина француски државјани, меѓу кои и славната едриличарка Флоренс Арто, олимпската пливачка и носителка на златен медал, Камил Муфат и олимпискиот боксер Алекисис Вастин, ги загубиле животите во судир на два хелихоптера, за време на снимањето на реалното телевизиско шоу „Фрлени“ (Dropped), во провинцијата Ла Риоха, на североистокот на Аргентина, јавуваат светските медиуми.
Во несреќата загинале и двајцата пилоти.
Како што пренесуваат агенциите, двата хелихоптера се судриле за време на снимањето. Во несреќата нема преживеани.
Претставници на локалните власти изјавиле дека временските услови биле добри и засега не се знаат причините за несреќата.
Од кабинетот на францускиот претседател Франсоа Оланд, синоќа го потврдиле идентитетот на жртвите, меѓу нив и спортските ѕвезди, Арто, Муфат и Вастин.
Дејството на реалното шоу „Фрлени“, кое се емитува на францускиот канал ТФ1, вклучува осум спортски ѕвезди кои се оставени во негостопримлива природна средина заради авантура и преживување.