Повеќе од 450 луѓе умреле во последните три дена во топлотниот бран што го погоди југот на Пакистан, соопштија локалните власти, што е двојно поголем број од бројката објавена вчера.
Најголем број од починатите се во Карачи, најголемиот град во земјата, со 20 милиони жители, каде температурата достигнува и до 45 Целзиусови степени, а често се случуваат и прекини на електричната енергија и на вода.
Овој смртоносен топлотен бран во Пакистан следува месец дена откако сличен бран ја зафати соседна Индија, каде починаа повеќе од 2.000 луѓе.
– Повеќе од 450 луѓе починаа од силниот топлотен бран во последните три дена – рече Сабир Мемон, висок државен преставник во пакистанската провинција Синд.
Владата на државата Синд воведе вонредна состојба во сите болници, повикувајќи ги сите лекари од одмор и зголемувајќи ги резервите со лекови.
Последиците од горештината дополнително се отажнати од секојдневниот прекин на струја, што влијае и на доводот на вода.