Полицијата ја затвори зградата на парламентот на Велика Британија, а причината е „хемиски инцидент“ во објектот.
Како што јавуваат светските медиуми, се истражува „бел прав“ кој предизвикал паника во Лондон.
Супстанцата била пронајдена во писмо, испратено до еден од членовите на Домот на лордовите.
– Сомнителниот пакет бил испорачан до Парламентот. Полицијата која се наоѓа таму ја истражува содржината на пакетот – соопшти портпаролот на британската полиција, додавајќи дека лицата кои во моментот се нашле во објектот се изнесени на балконите, со цел да се заштитат.
Претставниците на Домот на лордовите се затворени на терасите на Вестминстер, додека внатре се истражува за каков бел прав се работи.
Исто така, затворени се вратите и прозорците, а има луѓе кои се затворени на терасата на покривот на објектот.