Претставници на движењето Беса, предводени од претседателот Билал Касами, денеска се сретнале со преставници на СДСМ, соопштија од Беса.
„Тема на дискусија беа последните политички случувања и настанатата ситуација во земјата, по одбивањето на претседателот на државата да го даде мандатот. Исто така, се разговараше и за можните решенија за излез од кризата со која се соочува земјата за функционализација на институциите“, велат од Беса.
Оттаму велат дека контактите помеѓу партиите ќе продолжат и во наредните денови. Беса нагласува дека и понатаму ќе игра конструктивна улога и дека и понатаму ќе биде дел од решението, а не дел од проблемот.