Од полноќ ќе поевтинат бензините, додека дизелот ќе се продава по повисоки цени на бензинските пумпи во земјава, информираат од Регулаторната комисија за енергетика и водни услуги (РКЕВУ).
Малопродажната цена на бензинот Еуросупер БС-98 се намалува за 1 денар за литар, додека малопродажната цена на бензинот Еуросупер БС-95 се намалува за половина денар за литар.
Малопродажната цена на ЕУРОДИЗЕЛ (Д-Е V) се зголемува за 1,50 денари за литар, додека цената на Екстра лесното масло за домаќинство (ЕЛ-1) се зголемува за 1 денар за литар.
Од полноќ, Еуросупер БС-95 ќе се продава по цена од 87 денари за литар, додека бензинот со 98 октани ќе може да се набави по цена од 89 денари за литар. Дизелот ќе се продава за 81,50 денари за литар, додека екстра-лесното масло ќе чини 81 денари за литар.
Малопродажната цена на Мазутот М-1 НС се зголемува за 0,039 ден/кг и сега ќе изнесува 46,064 денари за килограм.