Авион на „Ер Франс“, кој летал од Маврициус до Париз, принудно слетал на аеродромот во Момбаси, Кенија, затоа што екпажот го известил пилотот за сомнителна направа во тоалетот.
– Побарана е дозвола за принудно слетување затоа што во тоалетот е откриена направа за која имало сомневање дека е бомба. Авионот безбедно слета и сите патници се евакуирани – изјави портпаролот на локалната полиција, Чарлс Овино.
Тој додал дека експерти за бомби ја зеле направата за да утврдат дали во неа се наоѓа експлозив.
„Боингот 777“ со 463 патници и со 14 членови на екипажот, го напуштил Маврициус во 21 часот по локално време и требало да слета на аеродромот „Шарл де Гол“ во Париз во 5.50 часот по локално време. Наместо тоа, тој принудно слетал на аеродромот во Момбаси во 1 часот по полноќ.