Министерот за образование Абдилаќим Адеми, по денешната посета на тетовското основно училиште „Миѓени“, уште еднаш го повтори истиот став дека сè уште нема конкретен предлог за државниот испит, пренесе „Радио Слободна Европа“.
– И претходно кажавме, кога ќе излеземе со конкретен предлог, ќе ги повикаме сите да се вклучат во дебата и во тој период да дадат нивни размислувања, сè со цел да најдеме заедничко решение и решение кое во иднина ќе биде имплементирано токму од засегнатите страни – изјави Адеми.
Според Адеми, предлогот до ректорот го доставил по негово барање, но бидејќи не бил усвоен, не можел да го сподели со јавноста. Од истата причина Адеми досега не ги примил студентите на разговор.