34 пратеници од минатиот собраниски состав го искористија правото на апанажа, односно примање пратеничката плата во полн износ во рок од една година.
Меѓу нив се и Радмила Шекеринска, Јани Макрадули, Емилијан Станковиќ, Весна Бендевска, Гордан Георгиев, сите од СДСМ, Ивон Величковски од ЛП, Драгиша Милетиќ од ДПС, како и Драган Настовски, Илија Китановски, Веле Георгиевски и Милорад Додевски од ВМРО-ДПМНЕ. Или, 21 поранешен пратеник се од тогашната опозициска коалиција, петмина се од коалицијата на ВМРО-ДПМНЕ, а останатите од партиите на Албанците.
Платата, која изнесува околу 60.000 денари, за последен пат ќе ја примат овој петок, откако денеска Комисијата донесе решение за престанок на правото на апанажа.