Дванаесеттото издание на интернационалниот филмски фестивал „Астерфест“ започна синоќа во центарот за култура „Антон Панов“ во Струмица. Мотото на годинешното издание е „Мали приказни – голем ум“.
Во петте фестивалски денови ќе бидат прикажани 21 краток игран, документарен и анимиран филм во главниот натпреварувачки дел, 12 во ревијалната програма, како и четири долгометражни филмови.
Фестивалот го отвори градоначалникот на општина Струмица, Зоран Заев, кој рече дека, продукциската филмска разноликост по форма и жанровска содржина, го прави овој фестивал респектабилна филмска манифестација, не само во Македонија, туку и во регионот и пошироко.