Во касарната „Алексо Демниевски-Бауман“ во Велес, 226 војници дадоа свечена заклетва, а меѓу нив и 14 девојки. Оваа 24. генерација војници на доброволно служење во Армијата на Република Македонија ќе има интензивна тримесечна обука.
На свеченоста беше присутен и министерот за одбрана, Зоран Јолевски, кој посочи дека вработените во Министерството и припадниците на Армијата ќе сторат сè за да придонесат за развојот на вештините и на знаењата на војниците.
– Вие ја претставувате базата за понатамошна селекција за идни професионални војници во нашата армија. Имате можност да станете дел од одбраната на нашата татковина – рече министерот Јолевски.