Премиерот Зоран Заев очекува економски пораст од над четири проценти во првиот квартал годинава и надминување на проекциите за раст од 3,2 проценти за целата година.
Оптимизмот го темели на порастот на индустриското производство во првите два месеца од годинава за 11, односно седум проценти, растот од 312 проценти на капитални инвестиции во државни патишта, како и на растот на извозот од зоните за 25 проценти во првиот квартал.
– Во полн интензитет е и гасификацијата, железницата е целосно ослободена, тоа се 75 проценти од капиталните инвестици во државата, а останатите 25 проценти ги придвижуваме во деловите за канализации, градинки и училишта. Само со засукани ракави и добра работа можеме да ги пробиеме дури и проектираните параметри – изјави Заев одговарајќи на новинарски прашања на конференцијата „Предизвиците и искуствата за националната економија во пресрет на процесот на отпочнување на преговорите за влез на земјата во Европската Унија“.