Претседателот на СДСМ, Зоран Заев, упати телеграма со сочувство до семејството на убиениот опозициски лидер во Москва, Борис Немцов, и до граѓаните на Руската Федерација.
„Изразувам искрено и длабоко сочувство за бруталното убиство на Борис Немцов, до Вас – семејството на Борис Немцов, до неговите пријатели, колеги, но и до граѓаните – поддржувачи, во свое име и во име на Социјалдемократскиот сојуз на Македонија. Семејството на Немцов, но и граѓаните на Русија и на светот загубија храбар човек и борец за демократските вредности, како што се слободата и владеењето на правото. Борис Немцов ќе остане запаметен како еден од наjпосветените заштитници на граѓанските права во земјата. Изразуваме надеж дека властите во Русија ќе спроведат брза и транспарентна истрага за околностите под коишто е убиен опозицискиот лидер Борис Немцов“, се вели во телеграмата упатена од Заев.