Индексот на цените на угостителските услуги во ноември годинава остана на исто ниво како во октомври годинава, покажаа податоците на Државниот завод за статистика.
Споредено по групи на услуги, зголемување е забележано во групата ноќевања за 0,1 процент.
Индексот на цените на угостителските услуги во ноември 2014 година, во однос на истиот месец од претходната година, е зголемен за 0,7 отсто.
Кумулативниот индекс на цените на угостителските услуги за периодот јануари-ноември 2014 година, во однос на истиот период од минатата година, е намален за 0,7 отсто, додека во однос на декември 2013 година е зголемен за 0,4 отсто.