Велика Британија со бројни настани денеска одбележува 800 години од првиот англиски уставен документ. Големата повелба на слободата или „Магна карта лебертатум“, потпишана е на 15 јуни 1215 година, а била прв чекор кон долгиот историски процес кој довел до правна држава.
„Магна карта“ ја потпишал англискиот крал Џон, а тогаш бил практичен документ, мировен договор со побунетото благородништво, но го посеало семето на човековите прва и на владеењето на правото.
Иако почнал како проблематичен мировен договор на неуспешниот крал и на побунетите благородици во јалов обид да се избегне граѓанската војна, „Магна карта“ во идните столетија ќе се развие во еден од најважните историски документи и денес се почитува како темел на претставничката власт и на демократизацијата и зачеток на почитувањето на човековите права.
„Магна карта“ е напишана на латински јазик на овча кожа. Има околу 3.500 зборови. Четирите сочувани копии ги препишувале различни писари, па поради печатни грешки не се целосно исти.