По примерот на своите први соседи охриѓани, и стружани ќе развиваат туристички развојни зони. Веќе изработија студија за финансиска оправданст за изградба на туристичка развојна зона кај струшкото село Калишта, на брегот на Охридско Езеро.
Новата туристичка зона ќе биде лоцирана во близина на манастрискиот комплекс и ќе се простира на површина од 14 хектари. Предвидено е да се градат хотели, 90 апартмани, 30 вили, плажа и спортски терени.
Според најавите, имало повеќе опции за инвестирање во нив: прватен инвеститор, јавно-приватно партнерство, јавна инвестиција, концесија или модел на менаџирање. Почетната цена за продажба на земјиштето изнесува едно евро за еден квадратен метар.
На и околу овој простор веќе има два хотелски капацитети, „Изгрев“ и „Бисер“.
Ваква зона е планирано да се гради и во Дојран, за да се забрза развојот на туризмот.