Генералниот секретар на НАТО, Јенс Столтенберг, изјави дека се очекува министрите за одбрана да ги одобрат плановите за зајакнување на своите сили на источниот блок на Алијансата.
Столтенберг на прес-конференција во пресрет на дводневниот состанок на министрите за одбрана рече дека со зајакнувањето на силите во Полска и во другите членки во близина на Руската Федерација, ќе биде „испратен јасен сигнал“.
– НАТО ќе одговори на секој облик на агресија кон која било членка – додаде тој.
Мерките што се разгледуваат вклучуваат воена опрема, нова инфраструктура и присутност на мултинационалните сили.
Тоа е дел од договорот на НАТО за кризата во Украина и за руската анексија на Крим во 2014 година.