Biseda të regjistruara ndërmjet gazetarëve dhe liderit të opozitës, Zoran Zaev, bisedat e tij me miqtë dhe vajzën tij, telefonatat me ministren e punëve të brendshme, Gordana Jankullovska dhe ministri i financave, Zoran Stavrevski, biseda të Ali Ahmetit dhe Menduh Thaçit, Ljubço Georgievski, deklaroi Zaevi në konferencën e sotshme për shtyp.
Zaevi tha se këto bisedime janë vetëm një pjesë e asaj që pason. Ai tha se janë përgjuar të gjithë figurat e njohura publike, gjithë gjyqësia, kryepeshkopi i KOM-it, organizata joqeveritare, gazetarë madje ka pasur telefonata ndërmjet prezantuesit Dragan Pavloviq – Llatasit dhe Martin Protugerit.
Siç thotë Zaevi, nuk kanë të përgjuar vetëm kryeministri Nikola Gruevski dhe Drejtoria e Sigurimit dhe Kundërzbulimit, Sasho Mijalkov.
“ Gjatë zgjedhjeve, kanë abuzuar shërbimet shtetërore për të pasur 24 orë raportim. Çdo bisedë, çdo komunikim dhe e gjithë kjo me paratë e qytetarëve është shkelje e plotë e Kushtetetusës. Ne do të ngremë kundër Sasho Mijallkovi, drejtor i DSK-së, Goran Gruevski, udhëheqës i sektorit “Drejtoria e pestë” dhe N.N të punësuar në Drejtorinë e sigurisë dhe kundërzbulimit. Për të punësuarit që kanë qenë pjesë, por e kanë denoncuar veprën penale, presim të zbatohet neni 151, paragrafi 5 nga Kodi Penal sipas të cilit, këta persona lirohen nga ndjekja penale- deklaroi Zaevi.
Lideri i opozitës tha se nga Prokuroria Publike do të kërkojnë të bëhet ekspertizë autentike për audio-regjistrimeve që publikoi opozita në konferencën e sotshme për shtyp dhe paralajmëroi s ditët në vijim do të publikojnë edhe regjistrime të reja.
Duke u përgjigjur në pyetjen se a është përgjuar presidenti Gjoge Ivanov, Zaevi u përgjigj se janë përgjuar “të gjithë figurat e rëndësishme politike”.
Nëse edhe atë e konsideroni se është figurë e rëndësishme, atëherë edhe ai është përgjuar- u përgjigj Zaevi.