Koordinatori i LSDM-së, Goran Sugarevski në seancën e sotme për pyetje të deputetëve, e pyeti kryeministri Nikolla Gruevski se si ish drejtori i DSK-së, Sasho Mijalkov ka arritur të kaloj sigurimin e aeroportit me pistoletë në çantë.
Kryeministri Gruevski ndaj kësaj tha se nuk është kompetent për atë që qytetarët e mbajnë nëpër çantat e tyre kur dalin nga shteti.
“Institucionet duhet të kontrollojnë se çfarë mbajnë qytetarët me vete kur dalin nga shteti. Çdo gjë që duhet, do të shkoj sipas veprimeve ligjore. As nuk ka qenë e as nuk do të jetë i privilegjuar. Mijalkov në deklaratë tha se ka pasur pistoletë, por se e ka harruar, s’kam çfarë tjetër të shtoj. Sasho Mijalkov nuk posedon pasaportë diplomatike. Pasaporta diplomatike nuk siguron që të bartet në çantë çfarëdo sendi” tha Gruevski.