Со 67 гласови „за“ и со 19 „против“, Собранието денеска го избра Кирил Миноски за нов министер за финансии.
Миноски, кој веќе даде и потпиша свечена изјава, доаѓа на местото на Зоран Ставрески, кој од здравствени причини поднесе оставка.
Новиот министер за финансии досега беше директор на Управата за јавни приходи, каде минатата година дојде од позицијата директор на Државниот пазарен инспекторат.
Миноски по свеченото преземање на функцијата изјави дека главен приоритет ќе му биде да создаде нови работни места, да ги зголеми економскиот пораст и инвестициите и да го унапреди стандардот на граѓаните.
На гласањето за избор на Миноски за нов министер за финансии му претходеше неколкучасовна расправа во Собранието, за работата на претходниот министер Зоран Ставрески и за неговиот придонес за економијата во земјава за време на неговиот мандат.