Најмалку седум украински војници загинаа во новите судири кои во последните 24 часа избија на истокот на Украина, соопшти украинската војска.
– Како резултат на гранатирања, Украина изгуби седум војници, а 24 се ранети – соопшти портпаролот на украинската војска, Владислав Селезњов.
Министерството за одбрана на самопрогласената република Донецка денеска обвини дека украинските безбедносни сили ги користат жителите на Авдејевка како жив штит.