Пет лица се потешко повредени, а 21 лице се со полесни повреди откако синоќа, околу 22 часот, се превртел бугарски автобус на магистралниот пат Крива Паланка – Ранковце.
Засега не се познати причините за сообраќајната несреќа, која се случила во близина на село Опила.
Сите повредени патници се надвор од животна опасност и се пренесени во болницата во Крива Паланка. Во автобусот имало вкупно 43 патници.