ВМРО-ДПМНЕ 11 години ја манипулираше јавноста со лажни и нереални проекции за економскиот пораст на Македонија, а со ребалансот, Владата предводена од СДСМ покажа дека следните чекори ќе бидат базирани на реална основа, се вели во реакцијата на СДСМ на соопштението на ВМРО-ДПМНЕ.
„Проекциите за капитални инвестиции досега се давале од ракав, за да изгледаат убаво и да звучат помпезно, но во реалноста биле нереални планови. Затоа скратени се тие нереални планови кои и без ребалансот немало да се реализираат. Ребалансот на буџетот ги следи потребите на сите категории граѓани, а парите наменети за луксуз и непотребни трошоци се враќаат кај граѓаните. Заврши луксузирањето на државни функционери на сметка на граѓаните, што ВМРО-ДПМНЕ 11 години го практикуваше“, велат од партијата.
Од СДСМ додаваат дека преку ребалансот на буџетот тие почнуваат да го исполнуваат ветувањето за повеќе пари кај граѓаните.