Aктуелниот декан на Факултетот за туризам и угостителство во Охрид, проф. д-р Сашо Коруновски, е избран за нов ректор на битолскиот Универзитет „Св. Климент Охридски“.
Противкандидат на Коруновски, беше проф. д-р Јованка Тутеска од Високата медицинска школа од Битола и од Научниот институт за тутун од Прилеп. Од вкупниот број гласови на сенаторите (43), Коруновски освоил 26 гласа, а Тутеска 17 гласа.
Четиригодишниот мандат на позицијата ректор, проф. д-р Коруновски ќе го почне на 1 октомври 2015 година, а дотогаш ќе остане на позицијата декан на Факултетот за туризам и угостителство во Охрид.