Руската морнарица ги погодила сите мети на Исламска држава во древниот сириски град Палмира, соопшти денеска руското министерство за одбрана.
Фрегатата „Адмирал Есен“ и подморницата „Краснодар“ истрелале четири крстосувачки проектили од источниот Медитеран врз позиции на ИД, а нивната воена опрема и луѓе се префрлени од Рака, упориштето на милитантите во Северна Сирија, стои во соопштението на министерството.
Во соопштението, исто така, се нагласува дека Русија ги известила американските, турските и израелските воени сили за ракетните напади пред да ги изврши.