Kсенија Карелина, руско-американска државјанка осудена е на 12 години затворска казна од рускиот суд, откако е прогласена за виновна за предавство, бидејќи донирала пари на добротворна организација која ја поддржува Украина, пренесува „Н1“.
Карелина, која живее во Лос Анџелес ја признала вината на затвореното судење во градот Екатеринбург на Урал, каде што нејзиниот случај го водел истиот суд кој во јули го осуди репортерот на „Волстрит журнал“ Еван Ѓершковиќ за шпионажа.
Судот соопшти дека истражителите утврдиле дека Карелина на 24 февруари 2022 година, првиот ден од руската инвазија врз Украина, пренела средства во интерес на украинска организација, кои вооружените украински сили ги користеле за купување санитетски маатеријали, опрема и муниција.
Таа донирала 51,80 долари на организацијата „Razom for Ukraine“, хуманитарна организација од Њујорк која пружа хуманитарна помош на деца и возрасни во Украина. Добротворната организација негираше дека пружа каква било воена помош на Киев.