Рускиот претседател Владимир Путин денеска соопшти дека мисијата на неговата земја во Сирија претставува значаен успех, но нагласи дека Русија ќе продолжи да ја поддржува сириската влада и оти може повторно да воспостави силно воено присуство во регионот и тоа во рок од неколку часа, доколку тоа е потребно.
– Главната мисија во Сирија беше да се спречи од таа земја да доаѓаат терористи во Русија – рече Путин.
Говорејќи во Кремљ, на церемонијата на доделување на орден за војниците што служеа во Сирија, Путин рече дека руското повлекување од Сирија е објавено со согласност од претседателот Башар ал Асад.
– Доколку е нужно, буквално во рок од неколку часа, Русија може да го зајакне својот контингент во регионот – рече Путин.