Рускиот претседател Владимир Путин изјави дека е прерано да се зборува за давање политички азил на сирискиот претседател Башар ал-Асад.
Во денеска објавеното продолжение на интервјуто за „Билд“, Путин истакна дека се залага за уставни реформи во Сирија.
Доколку следните избори бидат демократски, „Асад нема да мора да оди никаде“, дури и да не победи, смета Путин.
Русија во септември почна воздушни напади на позициите на Исламска држава во Сирија, во знак на поддршка на војската на Асад.