Судија на претходна постапка му одредил 30 дневен притвор на 59-годишниот У.Р., кој вчера рано изутрина во Кочани брутално уби жена пред нејзината семејна куќа. Тој на 46-годишната Т.М. ѝ нанел повеќе од 40 убоди со нож.
Основното јавно обвинителство Кочани донело Наредба за спроведување истражна постапка против за кривично дело убиство.
„Осомничениот, на 25 септември, на свиреп начин лишил од живот една жена, нанесувајќи и многубројни убоди со нож. Тој од дома зел кујнски нож и знаејќи го патот по кој оштетената се движи кога оди кон работа, ја пречекал и ѝ задал повеќе убодни рани во пределот на градите, стомакот, вратот и рацете. Од повредите, жртвата починала на лице место“, се вели во соопштението на обвинителството.
Претходно, во јули годинава, жената го пријавила осомничениот за уцена. Тој, според првичните информации, ја уценувал жената дека ќе објави компромитирачки материјали за неа, доколку не земе кредит во негово име.