Во општина Старо Нагоричане, селата Арбанашко, Длабочица, Мгленце, Малотино, Жељувино, Дренак, Цветишница се отсечени поради врнежи од снег.
Во дел од овие села нема електрична енергија поради дефект во нисконапонската мрежа.
Од подрачното одделние на РЦУК информираа дека висината на снежната покривка изнесува 35 сантиметри.
Од одделението за урбанизам на Општина Старо Нагоричане, пак, соопштија дека на одредени места висината на снежната покривка е 50 снатиметри. Поради силниот ветер, има и наноси од снег со висина од еден метар. Општината веќе ги презема потребните мерките за расчистување на патниот правец, по што и екипи на ЕВН ќе излезат на терен и ќе ги остранат дефектите во тој реон.