Вицепремиерот и министер за надворешни работи во заминување, Никола Попоски, денеска е на работна посета на Принципатот Лихтенштајн.
За време на посетата, Попоски се сретнал со министерот за надворешни работи, образование и за култура, Аурелија Фрик, како и со принцот Алојс.
„На средбите се разговараше за мултилатералната соработка, ефектите врз економиите и политичката интеграција во ЕФТА-членките и за состојбата во балканските земји по одлуката за излез на Обединетото Кралство од ЕУ, како и за ризиците од мигрантската криза и за заканите од радикализам и од тероризам во глобални рамки“, информираат од МНР.