Почна средбата на работните групи на најголемите политички партии за Договорот од Пржино.
Тимот на СДСМ денеска го сочинуваат Радмила Шекеринска и Дамјан Манчевски, додека претставници од ВМРО-ДПМНЕ, како и на претходните средби, се Никола Попоски и Никола Тодоров. Претставници од ДУИ се Муса Џафери, Артан Груби и Фатмир Бесими, а од ДПА – Имер Алиу, Беким Фазлиу и Луан Треси.
На средбата присуствуваат и претставници на ОБСЕ и на мисијата на Европската унија во Македонија.
Се очекува денеска да почне работниот дел за реализирање на Договорот и посериозно разгледување на предложените мерки за измена на избирачкиот список, гласањето на дијаспората и изборниот процес за изборите закажани за април 2016 година.