Во моментов од Казнено-поправната установа Затвор Струмица во бегство се 23 затвореници, информира новоименуваниот в.д. директор на затворот, Зоран Ристов.
Toj oбвини дека тоа се должи на неодговорното работење на претходните раководства и дека установата е во катастрофална состојба.
„Според личните желби на одредени вработени, осудените биле приморани да извршуваат работни задачи на приватни имоти, како градежни активности и друго“, изјави Ристов и вети дека ќе спроведе санкции по изготвувањето на извештајот за установата.
Вкупниот капацитет на КПУ Затвор Струмица изнесува 62 лица и во него се извршува казна затвор до три години, казна затвор за сторен прекршок и изречена мерка притвор согласно судско решение. Во затворот казна затвор издржуваат лица од Струмица, Кочани, Штип, Виница, Делчево, Берово и Радовиш.
На предлог на директорот на Управата за извршување на санкции, Владата на 24 јули годинава за в.д. директор на Казнено-поправната установа Затвор Струмица го именува Зоран Ристов, кој дојде на местото на Владимир Михајловиќ.