Од вечерва, под паролата „Протестирам“, на улица првпат излегуваат и стружани. Почетокот на протестот е закажан за 18 часот, на тениското игралиште кај машката плажа.
Организаторите ги повикаа на улица да излезат сите граѓани кои ги обединува барањето слобода и кои се здружени против криминалната власт, заплашувањата, уцените, економската мизерија, како и против аболицијата на претседателот Иванов.
– Стружани, обединети, заедно Македонци и Албанци, и Роми, и Турци, и Власи, и Срби, и Бошњаци и Египќани и сите други, утре ќе протестираат против криминалот кој не познава ниту националност, ниту партија, ниту здружение, ниту организација – се вели во повикот на организаторите.