Компанијата „АВГ“ разви специјални очила за заштита, со софтвер против препознавање лица, како тој на „Фејсбук“.
Очилата користат инфрацрвени ЛЕД-диоди со кои ја попречуваат работата на филтрите што повеќето камери ги користат при фотографирање. Покрај тоа, тука се и рефлексивните површини во случај некој да користи блиц.
Очилата засега се прототип и се испробани на „ајфон“, „нексус“ и на познати ДСЛР-апарати. Секојпат резултатот бил добар, односно софтверот не можел да одреди препознавање лице. За жал, сериско производство на овие уреди не се планира во следните неколку месеци.