Во Македонија времето денеска ќе биде облачно со врнежи од дожд, а на планините ќе врне снег и ќе дува засилен јужен ветер.
Пообилни врнежи се очекуваат во попладневните часови и во текот на ноќта, кога, според синоптичарите, се очекува да наврнат повеќе од 25 литри дожд на еден квадратен метар.
На повисоките планини врнежите од дожд ќе преминуваат во снег, особено во северните и во западните делови од земјата.
Утринската температура ќе се движи од 1 до 7 Целзиусови степени, а дневната од 5 до 10 степени.
Во Скопје времето ќе биде облачно, со врнежи од дожд и ќе дува засилен југоисточен ветер.
Температурата ќе се движи до 4 Целзиусови степени во утринските часови, додека дневната се очекува да достигне 7 Целзиусови степени.