Распишан е Конкурсот за доделување на државната награда „Св. Климент Охридски“ за 2024 година, соопшти денеска Министерството за култура.
Со оваа награда се оддава највисоко признание за долгогодишни остварувања во областа на воспитанието, образованието, културата, уметноста, здравјето, заштитата и унапредувањето на човековата околина и во социјалната дејност.
Државната награда „Св. Климент Охридски“ се доделува на поединци, група творци, екипи, установи, трговски друштва и здруженија на граѓани.
Конкурсот трае од 1 до 30 јуни 2024 година, а целиот конкурс и пријавата може да се најдат на интернет-страницата на Министерството за култура на овој линк.
Оваа награда се доделува секоја година, а во една година може да се доделат најмногу пет награди.