Вчера, околу 17 часот, Н.Н. (25) од Скопје, во полициската станица Чаир пријавил дека тој и неговата сопруга околу 14 часот биле физички нападнати од лице со иницијали К.С. и од неговиот брат, соопшти полицијата.
Според пријавата, додека Н.Н. со неговата сопруга Р.А. се движеле низ пазарот во Шуто Оризари, К.С. во еден момент, без повод и причина, почнал да го удира со безбол-палка по главата и по телото. Неговиот брат, пак, со тупаници ја нападнал неговата сопруга.
По инцидентот, напаѓачите побегнале во непознат правец, а Н.Н. бил пренесен во Градската хируршка клиника „Св. Наум Охридски“, каде лекарите констатирале тешки телесни повреди.
Од полицијата велат дека преземаат мерки за целосно расчистување на случајот.