Во текот на вчерашниот ден, полициски службеници од Регионалниот центар за гранични работи Север од полициската станица Табановце, при влез во државата лишиле од слобода 51-годишник од Скопје.
Како што информираат од Министерството за внатрешни работи (МВР), при извршена контрола кај лицето биле пронајдени и одземени 1.120 парчиња различни видови моменти. Со приведениот бил извршен и службен разговор во кој тој појаснил дека монетите му биле испратени по карго по претходен договор со лица од Србија, каде отишол да ги земе.
Од МВР додаваат дека лицето е предадено во кумановската полициска станица за понатамошна постапка, а по документирање на случајот ќе следува и поднесок.