Нападот врз караулата во Гошинце зборува за континуираните етнички тензии во регионот, соопшти руското министерство за надворешни работи.
„На ситуацијата влијае, пред сè, сериозниот недостиг од владеење на правото и од безбедност во Косово, што претставува очигледна последица од нерешавањето на косовскиот проблем во целина. Не може да се игнорираат и сè почестите великоалбански пароли во регионот. Сметаме дека напорите на властите во Македонија за воспоставување на редот во проблематичниот регион на земјата ќе ја добијат неопходната меѓународна поддршка“, пишува во соопштението на руското министерство за надворешни работи.