Полициската станица Македонски Брод поднесе кривична пријава против И.М.(41) поради постоење основи за сомневање дека силувал малолетничка, соопштуваат од МВР.
„И.М. на 31 март 2015 година, со измама и со употреба на физичка сила, однел малолетничка во Пласница и во периодот од 23 часот на 31 март 2015 година до утринските часови на 1 април 2015 година, по пат на употреба на сила и на закана, без согласност на оштетената, извршил полов напад и физичко насилство. Откако го извршил делото, со возило ја вратил оштетената до Македонски Брод и ја оставил на патот“, велат од МВР.
Од страна на судија на претходна постапка на пријавениот му е одредена мерка притвор во траење од 30 дена.