На чело со Борко, кучето демонстрант, дваесетина маратонци околу Градскиот ѕид трчаа за социјална правда.
Маратонците истрчаа вкупно 21 круг.
Освен маратонот, денеска пред Владата се одржа и трибина „Социјално претприемништво – можност за вработување на тешко вработливи лица“. На трибината зборуваа Ана Филиповска, Сократ Манчев и Александар Колекески.
Свое обраќање на слична тема имаа и Дороти Пачкова, Љуљета Адеми и Мила Царовска.
Невладината организација „Цивил“ организираше изложба „Сите бои на слободата“.
За забава на присутните, музика пушташе и Петре Шилегов, портпаролот на СДСМ.
Шилегов за првата песна „Зеница“ од групата „Забрањено пушење“ рече дека ја пушта со посвета.