Во Домот на АРМ во Скопје денеска свечено беше одбележано завршувањето на 12-годишната мировна мисија ИСАФ и почетокот на мисијата „Одлучна поддршка“ на припадниците на АРМ во Авагнистан и тоа преку обука, советување и асистенција на авганистанските безбедносни сили.
Почнувајќи од 2002 година, во рамките на турскиот контингент, во коалиција од педесетина земји, НАТО-сојузници и партнери, АРМ со околу 3.000 македонски мировници во мисијата ИСАФ, значително придонесе за зачувувањето на мирот и за изградбата на поразвиена демократија и поголема безбедност во Авганистан.
Министерот за одбрана, Зоран Јолевски, по овој повод истакна дека интеграцијата на Република Македонија во НАТО останува приоритет на Владата, на МО и на АРМ.