На собирот на 240 претставници на руралните заедници од 40 европски земји, меѓу кои и Мрежата за рурален развој на Македонија, беше одобрен Европски рурален манифест.
Со него, претставниците на руралните заедници повикаа на целосно признавање на правата на нивните заедници кон квалитетен живот и животен стандард, еднаков на оној што го има урбанoтo населениe, како и целосно учество во политичките процеси.
Собирот, кој вторпат се организираше како Европски рурален парламент, се случуваше во периодот од 4 до 6 ноември, во Шардинг, Австрија.
Манифестот, со кој се застапуваат акции за 30 клучни прашања, претставува резултат на националните кампањи во 40 земји, во кои беа вклучени илјадници жители на руралните средини.