Директорката на Меѓународниот монетарен фонд (ММФ), Кристин Лагарад, изјави дека поединци во банкарскиот сектор мора да поднесат одговорност за своето етичко однесување, пренесува американскиот магазин „Волстрит журнал“.
– Потребна ни е култура на одговорни поединци. Таа промена може да дојде однатре. Но, тоа мора да биде поддржано и одржливо во целата организација, од врвот па надолу – изјавила Лагард за време на посетата на американската управа за федерални резерви.
Таа истакнала дека освен за време на финансиската криза во 2008 година, злоупотребите од одредени банкари продолжиле и по неа.
Според резултатите на минатогодишната анкета на истражувачката компанија „Харис интерактива“, околу 45 проценти од испитаниците, репутацијата на банкарскиот сектор ја оцениле негативно.